Libri i gatimit "Shije të përjetshme"
- 31-Oct-2025
- ALCDF TIRANA
Description
Ky libër është rezultat i punës së Fondacionit ALCDF dhe autores Dhurata Thanasi në kuadër të projektit “Shije të përjetshme: Zbulo shijet dhe baladat e Kurbinit”, i financuar nga BE përmes EU4Culture dhe zbatuar nga UNOPS në bashkëpunim me Ministrinë e Turizmit, Kulturës dhe Sportit. Projekti synon zhvillimin e turizmit përmes promovimit të trashëgimisë jomateriale, ku kulinaria ndërthuret me historinë, këngët, festat dhe traditat lokale.
Gjatë ekspeditave në komunitet u mblodhën receta autoktone,
u dokumentuan teknika të vjetra gatimi dhe u zhvilluan takime ndërbrezore që
përcollën njohuritë tradicionale tek brezat e rinj. U krijua
itinerari gastronomik “Shijet e përjetshme të Kurbinit”, që lidh shtëpitë
pritëse, agroturizmet dhe restorantet moderne me përdorimin e produkteve
vendase.
Libri përmbledh 38 receta të dokumentuara me kujdes, duke
ruajtur autenticitetin dhe duke ofruar një urë midis traditës dhe
modernes. Ai është një homazh për gratë që kanë ruajtur këtë trashëgimi
dhe një ftesë për ta parë gastronominë si pasuri kulturore dhe mundësi
zhvillimi për të ardhmen.
Ky botim është hartuar nga Fondacioni Shqiptar për
Zhvillimin e Kapaciteteve Lokale (ALCDF), me autore Dhurata Thanasi, në
kuadër të programit EU4Culture, financuar nga Bashkimi Evropian dhe
zbatuar nga UNOPS në bashkëpunim me Ministrinë e Ekonomisë, Kulturës dhe
Inovacionit. Përmbajtja e tij është përgjegjësi e vetme e hartuesve të tij
dhe nuk pasqyron domosdoshmërisht pikëpamjet e Bashkimit Evropian dhe/ose
UNOPS.
Më shumë informacion rreth përmbajtjes së recetave të
gatimit mund të gjeni në brendësi te librit nën linkun e mëposhtëm:
-
Region:
