Harta e florës së ndikuar nga zjarret në Zonat e Mbrojtura
- 09-Oct-2025
- ALCDF TIRANA
Description
Harta e florës së ndikuar nga zjarret në Zonat e Mbrojtura
paraqet shpërndarjen hapësinore të sipërfaqeve të prekura nga zjarret në
territorin ndërkufitar mes Shqipërisë, Maqedonisë së Veriut dhe Kosovës.
Ajo përfshin Parkun Natyror Korab–Koritnik (AL), Parkun
Kombëtar të Mavrovës (NM) dhe Parkun Kombëtar të Sharrit (NM dhe KS), duke
ofruar një pamje të integruar të ndikimit të zjarreve në këto zona me vlera të
larta ekologjike.
Në hartë paraqiten kategoritë e mbulesës bimore të prekura,
si pyjet gjethegjerë, halorë, mikse, dushqet, vegjetacioni tranzitor, si dhe
zona bujqësore dhe sipërfaqe artificiale. Zonat e djegura janë të shënuara me
pikëzim (1 pikë = 10 njësi sipërfaqeje), duke mundësuar vlerësimin sasior dhe
krahasues të intensitetit të dëmit sipas tipologjisë së vegjetacionit.
Harta evidenton se zjarret prekin jo vetëm pyjet natyrore,
por edhe zona me përdorim bujqësor dhe hapësira të transformuara, duke treguar
presion të kombinuar natyror dhe antropogjen. Përmes kësaj paraqitjeje,
dokumenti shërben si mjet analitik për identifikimin e zonave prioritare për
rehabilitim, ripyllëzim dhe forcim të masave parandaluese. Në kontekstin e
menaxhimit të qëndrueshëm të zonave të mbrojtura, kjo hartë ndihmon në
planifikimin e ndërhyrjeve për restaurimin e habitateve dhe ruajtjen e biodiversitetit
në shkallë rajonale.
Për të
mundësuar ilustrimin grafik, klikoni në linkun mëposhtë:
https://drive.google.com/file/d/1mU4Q9pD720BS6O5dBhuTcnOYjm2ZyREk/view?usp=sharing
-
Region:
